《我的學界時代》 Shadow
每個打波嘅中學生，
都曾經有過屬於自己、屬於我地嘅學界時代，
係一個一班隊友一齊揮灑汗血、共同進退嘅時代，
我地曾經打得好，會狂歡慶祝更上一層樓，
我地曾經打得差，會先互＿再鼓勵返對方，
我地唔怕辛苦，唔怕攰死，唔會掛住打波畢唔到業，
因為我地有嘅係同一個夢想，
就係想係自己嘅中學生涯裡面，
贏返塊屬於我地嘅獎牌，
證明我地嘅付出同熱血無白費過。
我自己嘅學界時代已經過咗幾年，你地呢？
如果你仲係中學生，好好珍惜呢幾年，
因為你地仲可以成日見面成日打波，
到你升上大學、出嚟社會做嘢，
或者就已經再無個種心態同時間，
有心無力，唔到你控制。
如果你同我一樣已經過咗學界時代，
唔緊要，CALL返佢地喇，
總有一日，球場上再見。
（P.S. 小弟打排球的，科科）
—
歡迎影迷留言、分享或tag你想起的人
Shadow@Instagram：shadow_hkig
Search